ఫీజుల బకాయిలపై ముగిసిన రామచందర్‌రావు దీక్ష

రూ.15 వేల కోట్ల ఫీజు రీయింబర్స్‌మెంట్‌ బకాయిలను ప్రభుత్వం పెండింగ్‌లో పెట్టిందని నిరసిస్తూ తెలంగాణ బీజేపీ అధ్యక్షుడు రామచందర్‌రావు చేపట్టిన రెండు రోజుల నిరాహార దీక్ష ముగిసింది. విద్యార్థుల సమస్యలు పరిష్కరించాలని డిమాండ్‌ చేశారు. రాజ్యసభ సభ్యుడు లక్ష్మణ్‌, బీజేపీ శాసనసభాపక్ష నేత మహేశ్‌రెడ్డి విద్యార్థులతో కలిసి నిమ్మరసం ఇచ్చి దీక్షను విరమింపజేశారు. పలువురు బీజేపీ నాయకులు పాల్గొన్నారు.

Breaking

4 గంటల్లో చిన్నారుల అపహరణ కేసు ఛేదింపు

గచ్చిబౌలి పరిధిలో ఇద్దరు చిన్నారుల అపహరణ కేసును సైబరాబాద్ పోలీసులు 4 గంటల్లో ఛేదించారు. కొండాపూర్ లేబర్ క్యాంప్‌లో ఆడుకుంటున్న ప్రమీల ముర్ము (4), సంగీత హేమరామ్ (3)ను చాకు సోరెన్ (45) అపహరించినట్లు పోలీసులు తెలిపారు. సాంకేతిక ఆధారాలతో ఘట్‌కేసర్ రైల్వే స్టేషన్ సమీపంలో నిందితుడిని అదుపులోకి తీసుకుని చిన్నారులను సురక్షితంగా తల్లిదండ్రులకు అప్పగించారు. విచారణ వివరాలను పోలీసులు వెల్లడించారు.

Breaking

"ఉదయం"ఎఫెక్ట్.. యుద్ధ ప్రాతిపదికన పనులు

కామారెడ్డి ఎల్లారెడ్డిలో నత్తనడకన సాగుతున్న రోడ్డు వెడల్పు పనులతో ప్రజలు ఇబ్బందులు పడుతున్నారని సోమవారం "ఉదయం" లో వచ్చిన కథనానికి ఎమ్మెల్యే మదన్ మోహన్ రావు స్పందించారు. పట్టణంలో జరుగుతున్న అభివృద్ధి పనులను యుద్ధప్రాతిపదికన పూర్తి చేయాలని అధికారులను మంగళవారం ఆదేశించారు. రోడ్డు వెడల్పు పనుల్లో తలెత్తిన సమస్యల కారణంగా పనులు కొంతమేర నెమ్మదించాయని తెలిపారు.

కారంతా ముద్దల మయం

గ్వాలియర్‌లో లిప్‌స్టిక్‌ ముద్దులతో కారును అలంకరించి వైరల్‌ చేసిన రీల్‌పై ట్రాఫిక్‌ పోలీసులు చర్యలు తీసుకున్నారు. వీడియో 55 లక్షల వ్యూస్‌ సాధించగా, కారును గుర్తించిన పోలీసులు స్టేషన్‌కు తరలించారు. కారు యజమాని ఆదిత్య సికర్వార్‌కు రూ.5,500 జరిమానా విధించారు. ఆదిత్య సికర్వార్ 3,400 ముద్దుల గుర్తులతో కారును అలంకరించేందుకు 3.5 గంటలు పట్టిందని తెలిపాడు. పోలీసుల సమక్షంలో కారును స్వయంగా శుభ్రం చేశాడు.

Breaking

సీపీఎం నేత మృతిపై ఎమ్మల్యే సంతాపం

సీపీఎం సీనియర్‌ నేత సారంపల్లి మల్లారెడ్డి మృతిపై సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు సంతాపం తెలిపారు. సాగునీటి ప్రాజెక్టులపై మల్లారెడ్డికి మంచి అవగాహన ఉన్న మేధావి అని పేర్కొన్నారు. మల్లారెడ్డి మరణం కమ్యూనిస్టు, రైతాంగ ఉద్యమాలకు తీరని లోటని కూనంనేని అన్నారు. అసెంబ్లీ సమావేశాల్లో ఆయన సూచనలు, సలహాలు ఎంతో ఉపయోగపడేవని గుర్తు చేసుకున్నారు.

1/5

ఫీజుల బకాయిలపై ముగిసిన రామచందర్‌రావు దీక్ష

4 గంటల్లో చిన్నారుల అపహరణ కేసు ఛేదింపు

"ఉదయం"ఎఫెక్ట్.. యుద్ధ ప్రాతిపదికన పనులు

కారంతా ముద్దల మయం

సీపీఎం నేత మృతిపై ఎమ్మల్యే సంతాపం

భూసేకరణకు రూ.6 వేల కోట్లు సిద్ధం

సారంపల్లికి రైతాంగం కన్నీటి వీడ్కోలు

ఉప్పల్‌ కరుణాకర్‌కు ఐపీఎస్‌ హోదా

మంత్రి కీర్తనతో పోలి ఉన్న యువతి వేధింపులకు గురి

Telugu News