తిరుపతి విద్యార్థికి గూగుల్ గుర్తింపు

తిరుపతికి చెందిన ఒక ప్రథమ సంవత్సర విద్యార్థి అంతర్జాతీయ ఓపెన్ సోర్స్ కోడింగ్ ప్రోగ్రామ్ 'గూగుల్ సమ్మర్ ఆఫ్ కోడ్'కు ఎంపికై గ్లోబల్ గుర్తింపు సాధించారు. తక్కువ ప్రిపరేషన్ సమయం ఉన్నప్పటికీ అతను ఈ ఘనత సాధించడం విశేషం. ఈ ప్రతిష్టాత్మక ప్రోగ్రామ్‌లో చోటు దక్కించుకోవడంతో పాటు సదరు విద్యార్థి గూగుల్ నుండి పెయిడ్ ఇంటర్న్‌షిప్‌ను కూడా సొంతం చేసుకున్నారు. అతని ప్రతిభపై స్థానికంగా సర్వత్రా ప్రశంసలు వ్యక్తమవుతున్నాయి.