నగరంలో నకిలీ పోలీసుల అరెస్ట్

బాలానగర్‌లో ఖాకీ డ్రెస్ ధరించి అమాయకులను బెదిరిస్తున్న ఇద్దరు నకిలీ పోలీసులను పోలీసులు పట్టుకున్నారు. మద్యం తాగే వారిని టార్గెట్ చేసి అక్రమ వసూళ్లకు పాల్పడుతున్న సంతోష్, మోహియుద్దీన్‌లను టాస్క్‌ఫోర్స్ అదుపులోకి తీసుకుంది. వారి నుండి యూనిఫాం, బైకులు స్వాధీనం చేసుకున్నారు. శాస్త్రిపురంలో కూడా మరో నకిలీ పోలీసును అరెస్ట్ చేశారు. ప్రజలను భయభ్రాంతులకు గురిచేస్తూ దోపిడీలకు పాల్పడుతున్న వీరిపై కఠిన చర్యలు తీసుకుంటామని ఉన్నతాధికారులు వెల్లడించారు.