వరంగల్‌లో ఓటరు సవరణ ప్రక్రియ చివరి దశకు

ఓటరు జాబితా ప్రత్యేక సమగ్ర సవరణ ప్రక్రియలో వరంగల్‌ జిల్లాలో సుమారు లక్ష ఓట్లు జాబితా నుంచి తొలగింపునకు అవకాశం ఉందని అధికారులు అంచనా వేస్తున్నారు. సేకరణకు వీలులేని 1,01,064 ఎన్యూమరేషన్‌ ఫారాలను అన్‌కలెక్టబుల్‌గా నమోదు చేశారు. జిల్లాలో ఇప్పటివరకు 86.96 శాతం ఫారాల డిజిటలీకరణ పూర్తయింది. ఆగస్టు 10 వరకు గడువు పొడిగించడంతో మిగిలిన ఫారాల సేకరణ, పరిశీలన కొనసాగుతోంది.