వీరభద్రపురం పరిసరాలలో ఏనుగుల గుంపు సంచారం

పార్వతీపురం మండలం వీరభద్రపురం పరిసరాల్లో ఏనుగుల గుంపు సంచరిస్తున్నట్లు అటవీ శాఖ అధికారులు మంగళవారం సాయంత్రం తెలిపారు. సమీప మొక్కజొన్న తోటలో ఏనుగులు ఉన్నాయని అటువైపుగా ఎవరూ వెళ్లొద్దని హెచ్చరించారు. ఎలిఫెంట్ ట్రాకర్స్ సూచనలను పాటించాలని ఏనుగులు కనిపిస్తే వాటిని తరమడం, బెదిరించడం లాంటివి చెయ్యొద్దన్నారు. కాగా ఏనుగులను ఈ ప్రాంతం నుంచి తరలించాలని రైతులు కోరుతున్నారు.