ఊపిరితిత్తుల దినోత్సవం సందర్భంగా ఉచిత వైద్య శిబిరం

ప్రపంచ ఊపిరితిత్తుల దినోత్సవాన్ని పురస్కరించుకుని చిత్తూరు నగరంలోని ఏకే అమ్మ హాస్పిటల్‌లో శుక్రవారం ఉచిత వైద్య శిబిరం నిర్వహించారు. 200 మందికి పైగా హాజరై ఊపిరితిత్తుల పనితీరుకు సంబంధించిన పరీక్షలు చేయించుకున్నారు. ధూమపానం, మద్యపానం, గంజాయి, మాదకద్రవ్యాలు వినియోగించే వారు ఏడాదికి ఒకసారి ఊపిరితిత్తుల పరీక్షలు చేయించుకోవాలని డాక్టర్ అశోక్ సూచించారు. అనంతరం రోగులకు ఉచితంగా మందులు పంపిణీ చేశారు.