ఉట్నూరు టీ-హబ్: సిబ్బంది లేక యంత్రాలు నిరుపయోగం

ఉట్నూరులోని టీ-హబ్ డయాగ్నొస్టిక్ సెంటర్‌లో సిబ్బంది లేక రోగులు తీవ్ర ఇబ్బందులు పడుతున్నారు. కోటి రూపాయలతో నిర్మించిన ఈ కేంద్రంలో పరీక్షలు చేసే టెక్నీషియన్లు, వైద్యులు లేకపోవడంతో ఆధునిక యంత్రాలు నిరుపయోగంగా మారాయి. డిప్యుటేషన్‌పై ఉన్న నామమాత్రపు సిబ్బందితో పరీక్షలు జరగక, బాధితులు రిమ్స్‌ వంటి ఆసుపత్రులకు పరుగులు తీస్తున్నారు. వెంటనే నిపుణులను భర్తీ చేసి కేంద్రంలో పూర్తిస్థాయి సేవలు అందుబాటులోకి తీసుకురావాలని రోగులు కోరుతున్నారు.