టెక్కలి రైలు ప్రమాదం పై మంత్రుల దిగ్భ్రాంతి

టెక్కలి రావివలస సమీపంలో జరిగిన రైలు ప్రమాద ఘటనపై కేంద్ర మంత్రి కింజరాపు రామ్మోహన్ నాయుడు, రాష్ట్ర మంత్రి కింజరాపు అచ్చెన్నాయుడు తీవ్ర దిగ్భ్రాంతి వ్యక్తం చేశారు. ప్రమాద వివరాలను అధికారులను అడిగి తెలుసుకున్నారు. మృతుల కుటుంబాలకు ప్రగాఢ సానుభూతి తెలిపారు. ప్రమాదంలో గాయపడిన వారికి మెరుగైన వైద్యం అందించాలని, అవసరమైన అన్ని చర్యలు చేపట్టాలని అధికారులను ఆదేశించారు.