తల్లిని వీల్‌చైర్‌పై ఎమ్మెల్యే ఇంటికి తీసుకెళ్లిన కుమారుడు

మంచిర్యాలలో తల్లికి ప్రభుత్వ ఆస్పత్రిలో వైద్యం అందలేదని ఆరోపిస్తూ కుమారుడు ఆమెను వీల్‌చైర్‌పై సుమారు 2 కి.మీ. ఎమ్మెల్యే ప్రేమ్‌సాగర్‌రావు ఇంటికి తీసుకెళ్లాడు. బెడ్‌ ఇవ్వలేదని, సిబ్బంది అందుబాటులో లేరని ఆరోపించాడు. విషయం తెలుసుకున్న ఆర్‌ఎంవో శ్రీధర్‌ ఎమ్మెల్యే ఇంటికి చేరుకుని మాట్లాడారు. హామీ అనంతరం బుజ్జిని తిరిగి ఆస్పత్రికి తరలించారు. సిబ్బంది తనపై దాడి చేశారని కుమారుడు ఆరోపించాడు.