ప్రిన్స్‌టన్ కాలేజీలకు సుప్రీంకోర్టు షాక్: డిస్‌క్లెయిమర్ బోర్డులు తప్పనిసరి

అమెరికా 'ప్రిన్స్‌టన్ యూనివర్సిటీ' పేరు వాడుతున్న తెలంగాణ విద్యాసంస్థలపై సుప్రీంకోర్టు ఆగ్రహం వ్యక్తం చేసింది. అమెరికా వర్సిటీతో తమకు సంబంధం లేదని కాలేజీ బోర్డులు, వెబ్‌సైట్లలో పెద్ద అక్షరాలతో డిస్‌క్లెయిమర్ పెట్టాలని వాగ్దేవి ఎడ్యుకేషనల్ సొసైటీని ఆదేశించింది. విద్యార్థులు మోసపోకుండా ఉండేందుకే ఈ చర్యలని కోర్టు స్పష్టం చేసింది. జూన్ 12 లోగా ప్రముఖ పత్రికల్లో పావు పేజీ ప్రకటనలు ఇవ్వాలని డెడ్‌లైన్ విధించింది. ట్రేడ్‌మార్క్ వివాదంపై అమెరికా వర్సిటీ దాఖలు చేసిన పిటిషన్‌పై విచారణ సందర్భంగా న్యాయస్థానం ఈ కీలక ఆదేశాలు జారీ చేసింది.