సూర్యాపేట బస్టాండ్‌లో పురుషుల సీట్లపై ప్రత్యేక బోర్డు

సూర్యాపేట కొత్త బస్టాండ్‌లో పురుషులను గౌరవించాలంటూ ఏర్పాటు చేసిన ప్రత్యేక బోర్డు ప్రయాణికుల దృష్టిని ఆకర్షిస్తోంది. పురుషులకు కేటాయించిన సీట్లలో వారిని కూర్చోబెట్టాలని బోర్డులో సూచించారు. మహిళలు, వృద్ధులకు ప్రాధాన్యం ఇచ్చే బోర్డులు సాధారణంగా కనిపిస్తుండగా, ఈ సందేశంపై ప్రయాణికులు ఆసక్తిగా చర్చించుకుంటున్నారు. అందరి హక్కులు, గౌరవాన్ని కాపాడే ఉద్దేశంతో ఈ ప్రచారం జరుగుతోందని పలువురు పేర్కొన్నారు.