ప్రముఖ విద్యావేత్త వంగా సాంబశివారెడ్డి కన్నుమూత

ఖమ్మం నిర్మల్‌ హృదయ్‌ స్కూల్‌ కరస్పాండెంట్‌, విద్యావేత్త వంగా సాంబశివారెడ్డి (80) ఆదివారం గుండెపోటుతో మృతి చెందారు. 1978-79లో ఖమ్మంలో నిర్మల్‌ హృదయ్‌ పాఠశాలను ప్రారంభించి విద్యారంగానికి సేవలందించారు. సామాజిక సేవా కార్యక్రమాల్లోనూ పాల్గొన్న ఆయన పలు ఉత్తమ ఉపాధ్యాయ అవార్డులు అందుకున్నారు. పలువురు రాజకీయ, విద్యా రంగ ప్రముఖులు ఆయన పార్థివదేహానికి నివాళులర్పించి కుటుంబ సభ్యులను పరామర్శించారు.