నిర్మల్ లో గణేష్ నిమజ్జనానికి పటిష్ట భద్రత

నిర్మల్ జిల్లా కేంద్రంలో శుక్రవారం జరగనున్న గణేష్ నిమజ్జన శోభాయాత్రకు పోలీస్ శాఖ పటిష్ట భద్రతా ఏర్పాట్లు చేసిందని జిల్లా ఎస్పీ జానకి షర్మిల తెలిపారు. బుధవారం సాయంత్రం పట్టణంలో పోలీసుల ఫ్లాగ్ మార్చ్ నిర్వహించారు. ఈ సందర్బంగా ఎస్పీ మాట్లాడుతూ సుమారు 700 మంది పోలీసులతో బందోబస్తు ఏర్పాటు చేశామని, ఇందులో అదనపు ఎస్పీ, ఏఎస్పీ, 15 మంది డీఎస్పీలు, సీఐలు, ఎస్సైలు పాల్గొంటారని పేర్కొన్నారు.