కల్వకుర్తి హైవేకు కొత్త మార్గం

కల్వకుర్తి–నంద్యాల 167కె జాతీయ రహదారికి ఆత్మకూరు–వెలుగోడు మధ్య నల్లమల అటవీ అనుమతులు ఆటంకంగా మారాయి. పైవంతెన నిర్మాణానికి భారీ వ్యయం కానుండటంతో ఎన్‌హెచ్‌ఏఐ ప్రత్యామ్నాయ మార్గంపై దృష్టి సారించింది. భానుముక్కల మలుపు నుంచి బనకచర్ల, వేంపెంట, గుంతకందాల మీదుగా రహదారి నిర్మాణానికి అధికారులు సర్వే ప్రారంభించారు. హైవే పూర్తయితే హైదరాబాద్‌–తిరుపతి మధ్య దూరం సుమారు 80 కి.మీ. తగ్గనుంది.