ఇందిరమ్మ ఇళ్లకు కొత్త వెసులుబాటు

ఇందిరమ్మ టవర్లలో ఇళ్ల కోసం దరఖాస్తు చేసుకునే వారికి అధికారులు కొత్త వెసులుబాటు కల్పించారు. ఆధార్‌తో పాటు ఓటర్‌ ఐడీ, డ్రైవింగ్‌ లైసెన్స్‌, బ్యాంకు పాస్‌బుక్‌లలో ఏదో ఒకదాన్ని జతచేసి దరఖాస్తు చేసుకోవచ్చని తెలిపారు. గతంలో నగర చిరునామాతో ఆధార్‌ తప్పనిసరి చేయడంతో పలువురు ఇబ్బందులు ఎదుర్కొన్నారు. నిబంధనలు సవరించినా దరఖాస్తులో ఆధార్‌ నంబర్‌ నమోదు చేయడం తప్పనిసరని అధికారులు వెల్లడించారు.