నేపాల్‌ వరదల్లో నిలిచిన భవనం

నేపాల్‌లో సంభవించిన మెరుపు వరదలకు వందలాది ఇళ్లు కొట్టుకుపోయినా, నువాకోట్‌ జిల్లాలోని ధుంగేలో ఓ భవనం మాత్రం చెక్కుచెదరలేదు. నాణ్యమైన ప్రమాణాలతో నిర్మించిన ఈ ఇల్లు ఉద్ధృతమైన వరదను తట్టుకుని ఆరుగురి ప్రాణాలను కాపాడింది. వరద ఉద్ధృతి కారణంగా బయటకు వెళ్లలేకపోయిన కుటుంబ సభ్యులు పైఅంతస్తుకు చేరి కొన్ని గంటలపాటు భయంతో గడిపారు. ముప్పై ఏళ్ల క్రితం కట్టిన ఈ ఇల్లు పటిష్టతకు నిదర్శనంగా నిలిచింది.