నంద్యాలలో పొలిటికల్ హీట్: అఖిలప్రియ వర్సెస్ గంగుల నాని

నంద్యాల జిల్లా రాజకీయాలు ఒక్కసారిగా వేడెక్కాయి. మాజీ ఎమ్మెల్యే గంగుల నాని చేసిన ఆరోపణల నేపథ్యంలో, ఆయన నివాసానికి వెళ్లేందుకు ఎమ్మెల్యే భూమా అఖిలప్రియ బయలుదేరడంతో ఆళ్లగడ్డలో తీవ్ర ఉద్రిక్తత నెలకొంది. ఇరువర్గాలు ముఖాముఖి తలపడే అవకాశం ఉండటంతో పోలీసులు అప్రమత్తమై గంగుల నివాసం వద్ద భారీగా బలగాలను మోహరించారు. అఖిలప్రియను అడ్డుకోవడంతో పాటు శాంతిభద్రతల పరిరక్షణకు కట్టుదిట్టమైన భద్రతా చర్యలు చేపట్టారు.