జులైలో జీఎస్టీ వసూళ్లు రూ.2.11 లక్షల కోట్లు

జులైలో దేశవ్యాప్తంగా రూ.2.11 లక్షల కోట్ల జీఎస్టీ వసూలైనట్లు కేంద్ర ఆర్థిక శాఖ వెల్లడించింది. గతేడాది ఇదే నెలతో పోలిస్తే వసూళ్లు 15.4 శాతం పెరిగాయి. ఈ ఆర్థిక సంవత్సరంలో రూ.2 లక్షల కోట్ల మార్క్ దాటడం రెండోసారి. తెలంగాణలో రూ.5,819 కోట్లు, ఆంధ్రప్రదేశ్‌లో రూ.3,366 కోట్ల జీఎస్టీ వసూలైంది. జులై నెల నికర జీఎస్టీ వసూళ్లు రూ.1.81 లక్షల కోట్లుగా నమోదైనట్లు కేంద్ర ఆర్థిక శాఖ తెలిపింది.