గంజాయి అడ్డాగా గుంతకల్లు రైల్వే జంక్షన్‌.. పెరిగిన స్మగ్లింగ్

ఒడిశా, విశాఖపట్టణం నుంచి రైళ్ల ద్వారా గుంతకల్లు జంక్షన్‌కు గంజాయి అక్రమ రవాణా విపరీతంగా పెరిగింది. పోలీసుల నిఘా తగ్గడంతో స్మగ్లర్లు సూట్‌కేసులు, సంచుల్లో సరకును తరలించి, చుట్టుపక్కల ప్రాంతాలకు అమ్ముతున్నారు. వివిధ ప్రాంతాలకు చెందిన ముఠాలు ఈ మత్తు పదార్థాన్ని వాహనాల్లో తరలిస్తుండటంతో యువత బానిసవుతున్నారు. రవాణాను పూర్తిగా అరికట్టడానికి తగిన చర్యలు చేపడతామని, నిఘా పెంచుతామని అధికారులు వెల్లడించారు.