వరద నీటిలో ఎన్‌పీడీసీఎల్‌ సోలార్‌ ప్లాంట్‌

నగరంలోని హౌజింగ్‌బోర్డు కాలనీలో ఎన్‌పీడీసీఎల్‌ ఏర్పాటు చేసిన 1 మెగావాట్‌ సోలార్‌ ప్లాంట్‌లోకి వరద నీరు చేరింది. రూ.4 కోట్ల వ్యయంతో నిర్మించిన ఈ ప్లాంట్‌ లోతట్టు ప్రాంతంలో ఉండటంపై గతంలోనే హెచ్చరికలు వచ్చినా అధికారులు పట్టించుకోలేదని ఆరోపణలు ఉన్నాయి. ఇటీవల కురిసిన వర్షాలకు ప్లాంట్‌లోని నియంత్రిక గద్దె వరకు నీరు చేరింది. భారీ వర్షాలు కొనసాగితే పరికరాలు దెబ్బతినే అవకాశం ఉందని ఆందోళన వ్యక్తమవుతోంది.