ఎల్‌నినోతో మత్స్య దిగుబడులకు దెబ్బ

ఎల్‌నినో ప్రభావంతో ఈ ఏడాది మత్స్య దిగుబడులు 15-20 శాతం తగ్గే అవకాశం ఉందని మత్స్య శాఖ అధికారులు అంచనా వేస్తున్నారు. సముద్రంతో పాటు మంచినీటి చేపలు, రొయ్యల ఉత్పత్తిపైనా ప్రభావం పడనుంది. దిగుబడులు తగ్గకుండా ప్రత్యామ్నాయ వేట పద్ధతులు, సముద్రపు నాచు, కేజ్‌ కల్చర్‌పై మత్స్యకారులకు అవగాహన కల్పిస్తున్నారు. వాతావరణ బులెటిన్లు, చేపల లభ్యత సూచనలు పాటించాలని అధికారులు సూచించారు.