ఉత్తర జపాన్‌లో 5.8 తీవ్రత భూకంపం

ఉత్తర జపాన్‌లోని ఆమోరి ప్రిఫెక్చర్ తీరంలో 5.8 తీవ్రతతో భూకంపం సంభవించినట్లు జపాన్ వాతావరణ సంస్థ తెలిపింది. భూకంపం 80 కిలోమీటర్ల లోతులో నమోదైందని, సునామీ హెచ్చరిక జారీ చేయలేదని వెల్లడించింది. కొద్ది రోజుల క్రితం కుమమోటో ప్రిఫెక్చర్‌లో సంభవించిన భారీ భూకంపంలో మృతుల సంఖ్య 35కు చేరినట్లు అధికారులు తెలిపారు. ఆ ఘటనతో విస్తృతంగా నష్టం సంభవించింది.