కొత్తగూడెంలో అనధికార ఫ్లెక్సీలతో ప్రమాదాల ముప్పు

కొత్తగూడెం నగరపాలక సంస్థ పరిధిలో అనుమతి లేని ఫ్లెక్సీలు, హోర్డింగ్‌లు రాకపోకలకు, సిగ్నళ్లు, రోడ్డు సూచికల వీక్షణకు అంతరాయం కలిగిస్తున్నాయి. గాలికి విద్యుత్తు తీగలు, వాహనాలపై పడే ప్రమాదం ఉందని ఆందోళన వ్యక్తమవుతోంది. కొత్తగూడెం, పాల్వంచ, సుజాతనగర్‌లో 88 ప్రకటనలకు అనుమతులున్నాయి. వార్షిక ఆదాయం రూ.16,34,521. అనుమతి లేని ప్రకటనలను తొలగించి, నిబంధనలు ఉల్లంఘిస్తే చర్యలు తీసుకుంటామని అధికారులు తెలిపారు.