చెవి కొరికిన కేసు.. ముందస్తు బెయిల్‌కు సుప్రీంకోర్టు నిరాకరణ

జార్ఖండ్‌లో వ్యక్తి చెవిని కొరికి వేరు చేశారన్న ఆరోపణలు ఎదుర్కొంటున్న రాజీవ్‌ రంజన్‌ కుమార్‌కు సుప్రీంకోర్టు ముందస్తు బెయిల్‌ నిరాకరించింది. 2024లో జన్మాష్టమి వేళ పొరుగువారి మధ్య జరిగిన ఘర్షణలో ఈ ఘటన చోటుచేసుకున్నట్లు కేసు నమోదైంది. బాధితుడి చెవిని తిరిగి ఎలా తీసుకురాగలరని ధర్మాసనం ప్రశ్నించింది. నిందితుడి తరఫు వాదనలతో సంతృప్తి చెందని న్యాయస్థానం బెయిల్‌ పిటిషన్‌ను తిరస్కరించింది.