బస్సు డ్రైవర్‌ నిర్లక్ష్యం.. విధుల నుంచి తొలగింపు

చిత్తూరు జిల్లా పలమనేరు–మదనపల్లె మార్గంలో ఓ ఆర్టీసీ డ్రైవర్‌ సెల్‌ఫోన్‌ చూస్తూ బస్సు నడిపిన ఘటన వెలుగులోకి వచ్చింది. ఈ ఘటనకు సంబంధించిన వీడియో ఉన్నతాధికారులకు చేరగా మంత్రి రాంప్రసాద్‌రెడ్డి చర్యలు తీసుకోవాలని ఆదేశించారు. విచారణ అనంతరం పలమనేరు డిపోకు చెందిన హైర్‌ సర్వీసు బస్సు డ్రైవర్‌ను విధుల నుంచి తొలగించారు. ప్రయాణికుల భద్రత విషయంలో రాజీ లేదని మంత్రి స్పష్టం చేశారు.