బియ్యం అక్రమార్కులపై కొరడా

హైదరాబాద్, రంగారెడ్డి జిల్లాల్లో కృత్రిమ కొరత సృష్టిస్తూ బియ్యం అక్రమాలకు పాల్పడుతున్న వ్యాపారులపై పౌరసరఫరాల శాఖ దాడులు నిర్వహించింది. 18 సంస్థలపై చర్యలు తీసుకుని, 11 ఎఫ్‌ఐఆర్‌లు నమోదు చేశారు. ఎక్కువ ధరల స్టిక్కర్లు అతికించడం, తక్కువ తూకాలు, లైసెన్సులు లేకుండా వ్యాపారాలు చేస్తున్నట్లు అధికారులు గుర్తించారు. రేషన్ బియ్యం దారి మళ్లింపుపైనా అధికారులు ప్రత్యేక దృష్టి సారించారు.