భద్రాచలం సబ్‌జైలును సందర్శించిన జడ్జి

ప్రథమ శ్రేణి న్యాయమూర్తి వి.శివ నాయక్‌ భద్రాచలం సబ్‌జైలును ఆకస్మికంగా సందర్శించారు. ఖైదీలకు అందుతున్న వసతులు, భోజనం, ఇతర సౌకర్యాలను పరిశీలించారు. ఖైదీలు లీగల్‌ ఎయిడ్‌ను సద్వినియోగం చేసుకోవాలని సూచించారు. జైలులో విద్యను అభ్యసించి, సత్ప్రవర్తనతో మెరుగైన జీవితం గడపాలని సూచించారు. కార్యక్రమంలో జైలు సూపరింటెండెంట్‌ ఉపేందర్‌, న్యాయవాదులు పాల్గొన్నారు.