అయిజలో సీజ్‌ చేసిన మూడు భవనాలు రీఓపెన్‌

అయిజలో ఇంటి నిర్మాణ అనుమతులు తీసుకుని వాణిజ్య భవనాలు నిర్మించడంతో మున్సిపల్‌ అధికారులు ఇటీవల మూడు భవనాలను సీజ్‌ చేశారు. ఈ విషయాన్ని భవన యజమానులు జిల్లా ఉన్నతాధికారుల దృష్టికి తీసుకెళ్లి, భవనాల్లో విలువైన వస్తువులు ఉన్నట్లు వివరించారు. దీంతో భవనాలను తిరిగి తెరవాలని అధికారులు ఆదేశాలు జారీ చేశారు. బుధవారం మున్సిపల్‌, పోలీసు అధికారుల సమక్షంలో మూడు భవనాలను రీఓపెన్‌ చేశారు.