గుంటూరు కలెక్టరేట్‌లో యువతి ఆత్మహత్యా యత్నం

గుంటూరు కలెక్టరేట్ గ్రీవెన్స్‌కు వచ్చిన ఒక యువతి అక్కడే పురుగుల మందు తాగి ఆత్మహత్యా యత్నానికి పాల్పడింది. తండ్రి రెండో పెళ్లి చేసుకుని, తమను ఇళ్లనుంచి వెళ్లగొట్టి మానసికంగా వేధిస్తున్నాడని ఆ యువతి ఆవేదన వ్యక్తం చేసింది. ఈ కుటుంబ వివాదంపై ఫిర్యాదు చేసినా పోలీసులు పట్టించుకోకపోవడంతోనే తాను ఈ నిర్ణయం తీసుకున్నట్లు ఆమె తెలిపింది. వెంటనే స్పందించిన అధికారులు యువతిని చికిత్స నిమిత్తం ఆసుపత్రికి తరలించారు.