డిజిటల్ బ్యాంకింగ్ రికార్డుల బిల్లుకు ఆమోదం

2026 బ్యాంకర్స్ బుక్స్ ఎవిడెన్స్ బిల్లును రాజ్యసభ సోమవారం మూజువాణి ఓటుతో ఆమోదించింది. ప్రతిపక్ష సభ్యులు వాకౌట్ చేయడంతో విస్తృత చర్చ లేకుండానే బిల్లు ఆమోదం పొందింది. 1891 నాటి చట్టాన్ని భర్తీ చేసే ఈ బిల్లు డిజిటల్ బ్యాంకింగ్ రికార్డులను చట్టపరమైన ఆధారాలుగా గుర్తించేందుకు ఉద్దేశించింది. ఆర్థిక మంత్రి నిర్మలా సీతారామన్ డేటా గోప్యత, భద్రతకు పూర్తి రక్షణ కల్పిస్తామని తెలిపారు.