హార్ముజ్ షిప్పింగ్ మార్గంపై ఒమన్‌తో ఒప్పందం

హార్ముజ్ జలసంధిలో నౌకా రవాణా మార్గంపై ఒమన్‌తో ఒప్పందం కుదిరినట్లు ఇరాన్ ప్రకటించింది. ప్రతిపాదిత కొత్త షిప్పింగ్ రూట్ జియోగ్రాఫిక్ కోఆర్డినేట్స్‌పై రెండు దేశాలు పరస్పర అవగాహనకు వచ్చినట్లు వెల్లడించింది. సంయుక్త ప్రకటనను ఖరారు చేసేందుకు ఇరు దేశాలు పని చేస్తున్నాయని ఇరాన్ తెలిపింది. మూడో పక్షం ఆటంకం లేకుంటే త్వరలోనే అధికారిక ప్రకటన చేస్తామని పేర్కొంది.