ఆయిల్ పామ్.. సుంకం తగ్గింపుపై తుమ్మల ఆగ్రహం

ఆయిల్ పామ్ రైతుల ప్రయోజనాలను దెబ్బతీసేలా కేంద్ర ప్రభుత్వం ముడి ఆయిల్పామ్ దిగుమతి సుంకం తగ్గింపు నిర్ణయం తీసుకుందని మంత్రి తుమ్మల నాగేశ్వరరావు తీవ్ర ఆగ్రహం వ్యక్తం చేశారు. ఒకవైపు దేశంలో ఆయిల్ పామ్ సాగును విస్తరించాలని, రైతులను ఈ పంట వైపు మళ్లించాలని రాష్ట్రాలకు సూచిస్తూ.. మరోవైపు విదేశాల నుంచి దిగుమతి చేసుకునే ఆయిల్ పామ్ పై సుంకాన్ని తగ్గించడం కేంద్రప్రభుత్వ ద్వంద్వ వైఖరికి నిదర్శనమని మండిపడ్డారు.