ఆదివారం పనిచేసిన బ్యాంకులు

రేపటి నుంచి మూడురోజుల పాటు బ్యాంకు ఉద్యోగుల (UFBU) సమ్మె నేపథ్యంలో ఖాతాదారులకు ఇబ్బందులు కలగకుండా ఉండేందుకు ఆర్బీఐ సూచనలతో ఆదివారం బ్యాంకులు పనిచేశాయి. జిల్లాలోని 290 ప్రభుత్వ, గ్రామీణ, DCCB బ్యాంకులు తెరుచుకున్నాయి. వరుసగా 3 రోజులు సెలవులు కావడంతో బ్యాంకులు ఖాతాదారులతో కిటకిటలాడాయి. ఈ ఒక్కరోజే దాదాపు రూ.600 కోట్ల లావాదేవీలు జరిగినట్లు బ్యాంక్ అధికారులు వెల్లడించారు.