యూత్‌ ఒలింపిక్స్‌.. ఫైనల్లో తన్వి

యూత్‌ ఒలింపిక్స్‌ బ్యాడ్మింటన్‌లో భారత యువ షట్లర్‌ తన్వి పాత్రి చరిత్ర సృష్టించింది. మహిళల సింగిల్స్‌లో ఫైనల్‌ చేరిన తొలి భారత క్రీడాకారిణిగా రికార్డులకెక్కింది. బుధవారం జరిగిన ఉత్కంఠభరిత సెమీఫైనల్లో జపాన్‌ క్రీడాకారిణి యుజునో వతానబెపై 21-14, 11-21, 21-19తో విజయం సాధించింది. తొలి గేమ్‌ గెలిచిన తన్వి.. రెండో గేమ్‌లో ఓడినా, నిర్ణయాత్మక గేమ్‌లో పుంజుకుని తుది పోరుకు అర్హత సాధించింది.