అడవి పందుల దాడిలో పంట నష్టం

రామాయంపేట మండలం జేముల తండా పరిధిలో రైతు శీను నాయక్‌ సాగు చేసిన సుమారు రెండు ఎకరాల మొక్కజొన్న పంటను బుధవారం రాత్రి అడవి పందులు ధ్వంసం చేశాయి. పంట చేతికొచ్చే సమయంలో పందులు పంటలోకి ప్రవేశించాయి. మొక్కజొన్నను తొక్కి, తిని తీవ్రంగా నష్టపరిచాయని రైతు ఆవేదన వ్యక్తం చేశారు. దీంతో పెట్టుబడి కూడా వచ్చే పరిస్థితి లేకుండా పోయిందని తెలిపారు.