జుహూ బీచ్‌లో వైరల్ అవుతున్నదేంటి?

ముంబైలోని ప్రముఖ పర్యాటక ప్రాంతమైన జుహూ చౌపట్టి (జుహూ బీచ్) తీవ్రమైన వ్యర్థాలు, కాలుష్యంతో నిండిపోయిన దృశ్యాలు సామాజిక మాధ్యమాల్లో వైరల్‌గా మారాయి. పారిశుధ్య లోపం, అధ్వాన్నపు స్థితిని ఎత్తిచూపుతున్న ఈ వీడియో నెటిజన్లలో తీవ్ర ఆందోళన, ఆగ్రహాన్ని రేకెత్తిస్తోంది. అధికారుల నిర్లక్ష్యంపై విమర్శలు వెల్లువెత్తుతున్నాయి. నిత్యం వేలాది మంది సందర్శించే చారిత్రక బీచ్‌ ఇలా చెత్తకుప్పగా మారడంపై పర్యావరణ ప్రేమికులు తీవ్ర విచారం వ్యక్తం చేస్తున్నారు.