మిడ్‌ మానేరు నుంచి 5 గేట్ల ద్వారా నీరు

బోయినపల్లి మండలం మాన్వాడ మిడ్‌ మానేరు జలాశయానికి వరద కొనసాగుతోంది. సోమవారం నీటిమట్టం 316.49 మీటర్లకు చేరగా, ప్రస్తుత నిల్వ 23.791 టీఎంసీలుగా ఉంది. ఇన్‌ఫ్లో 12,600 క్యూసెక్కులు, అవుట్‌ఫ్లో 14,230 క్యూసెక్కులుగా నమోదైంది. స్పిల్‌వే నుంచి 10,930 క్యూసెక్కులు, ప్యాకేజీ-10 ద్వారా 3,130 క్యూసెక్కులు విడుదల చేస్తున్నారు. ఐదు స్పిల్‌వే గేట్లను తెరిచారు. గతేడాది ఇదే రోజున నీటిమట్టం 317.89 మీటర్లుగా ఉంది.