జిల్లాలో 86 వేల ఓట్లు రద్దు?

రాజన్న సిరిసిల్ల జిల్లాలో చేపట్టిన ఓటర్ల ప్రత్యేక సమగ్ర సవరణ (సర్‌) ప్రక్రియలో సుమారు 86,333 ఓట్లు తగ్గే అవకాశం ఉన్నట్లు అధికారులు అంచనా వేస్తున్నారు. చనిపోయినవారు, శాశ్వతంగా వేరే ప్రాంతాలకు మారినవారు మరియు మ్యాపింగ్ కానివారి ఓట్లు ఈ జాబితాలో ఉన్నాయి. జులై 31న ముసాయిదా ఓటరు జాబితా విడుదల కానుండగా, వివరాలు సరిపోలని ఓటర్లకు ఆగస్టు 1 నుంచి నోటీసులు జారీ చేయనున్నారు. సరైన ఆధారాలు సమర్పిస్తేనే తిరిగి పేరు నమోదు చేస్తామని అధికారులు స్పష్టం చేశారు.