ఓటర్ల నమోదులో బీఎల్‌వోల పాట్లు

ఓటర్ల జాబితా సవరణ ప్రక్రియలో బూత్ స్థాయి అధికారులు అనేక ఇబ్బందులు ఎదుర్కొంటున్నారు. ఓటర్లు ఎన్యుమరేషన్ ఫారాలు పూర్తి చేసి ఇవ్వడంలో నిర్లక్ష్యం వహిస్తుండటంతో అధికారులు ఒకే ఇంటికి పలుమార్లు తిరగాల్సి వస్తోంది. ఉద్యోగ రీత్యా ఇళ్లకు తాళాలు ఉండటం, పాత జాబితాతో వివరాల మ్యాపింగ్ కష్టంగా మారడంతో ప్రక్రియ ఆలస్యమవుతోంది. గడువు తక్కువగా ఉండటంతో ఉన్నతాధికారుల ఒత్తిడి పెరిగి బీఎల్‌వోలు తీవ్ర అవస్థలు పడుతున్నారు.