విశాఖలో వార్డుల సంఖ్య పెంపు

గ్రేటర్ విశాఖ మున్సిపల్ కార్పొరేషన్‌ (GVMC) వార్డుల సంఖ్యను 98 నుంచి 120కి పెంచుతూ రాష్ట్ర ప్రభుత్వం తుది నోటిఫికేషన్‌ జారీ చేసింది. ప్రజల అభ్యంతరాలు, సూచనల పరిశీలన అనంతరం వార్డు సరిహద్దులను ఖరారు చేసింది. వార్డు 1 నుంచి 120 వరకు సరిహద్దులను నోటిఫికేషన్‌లో పేర్కొన్నారు. సెప్టెంబర్ 4న జారీ చేసిన ప్రిలిమినరీ నోటిఫికేషన్‌పై వచ్చిన అభ్యంతరాలను పరిశీలించి తుది నిర్ణయం తీసుకున్నారు.