వికారాబాద్‌లో ఇద్దరిని బలిగొన్న మైనింగ్ గుంత

వికారాబాద్ జిల్లాలోని ధరూర్ మండలం తరిగోపుల గ్రామంలో మైనింగ్ గుంతలో పడి ఇద్దరు మేకల కాపరులు మృతి చెందారు. మంగళవారం జరిగిన ఈ ఘటనలో గ్రామానికి చెందిన శ్రీనివాస్ (43), అశోక్ (21) ప్రాణాలు కోల్పోయారు. సమాచారం అందుకున్న పోలీసులు ఘటనాస్థలానికి చేరుకుని మృతదేహాలను స్వాధీనం చేసుకున్నారు. అనంతరం పోస్టుమార్టం నిమిత్తం వికారాబాద్ ప్రభుత్వ ఆసుపత్రికి తరలించారు.