యాదగిరిగుట్టలో నేటి నుంచి వరుణ యాగం

యాదగిరిగుట్ట శ్రీ లక్ష్మీనరసింహ స్వామి ఆలయంలో వర్షాభావ పరిస్థితులను అధిగమించేందుకు సోమవారం నుంచి నాలుగు రోజుల పాటు 'వర్ష పాశుపత వరుణ యాగం' ప్రారంభమైంది. సకాలంలో వర్షాలు కురిసి ప్రజలు సుభిక్షంగా ఉండాలనే ఉద్దేశంతో ఈ యాగాన్ని నిర్వహిస్తున్నారు. ఈ ప్రత్యేక యాగానికి హాజరయ్యే భక్తుల కోసం దేవాలయ అధికారులు అన్ని ఏర్పాట్లు పూర్తి చేశారు. లోక కల్యాణం కోసం చేపట్టే ఈ యాగంలో భక్తులు పెద్దఎత్తున పాల్గొని స్వామివారి కృపకు పాత్రులు కావాలని కోరారు.