ఇరాన్‌పై అమెరికా దిగ్బంధం

పశ్చిమాసియాలో పరిస్థితులు మరింత దిగజారాయి. హర్మూజ్ జలసంధిలో వాణిజ్య నౌకలపై ఇరాన్ దాడులకు నిరసనగా ఆ దేశ ఓడరేవులపై అమెరికా సైన్యం నావికా దిగ్బంధనం విధించింది. ఇరాన్ వ్యాప్తంగా పలు ప్రాంతాలలో వరుసగా నాలుగో రోజు పేలుళ్లు సంభవించినట్లు సమాచారం. మరోవైపు తమ నౌకపై ఇరాన్ దాడి చేసిందని కువైట్ రక్షణశాఖ ప్రకటించింది. అమెరికాతో గతంలో కుదిరిన అవగాహన ఒప్పందం ముగిసిందని, అది ఇకపై చెల్లుబాటు కాదని ఇరాన్ స్పష్టం చేసింది.