పాక్‌ రాజకీయాలపై అమెరికా స్పష్టత

ఇమ్రాన్‌ ఖాన్‌ పదవీచ్యుతి వెనుక తమ హస్తం ఉందన్న వార్తలను అమెరికా విదేశాంగ శాఖ తోసిపుచ్చింది. పాకిస్థాన్‌ రాజకీయాలు పూర్తిగా అక్కడి ప్రజలకు సంబంధించినవని, ఇందులో అమెరికా పాత్ర ఏమీ లేదని స్పష్టంగా పేర్కొంది. ఆరోపణలను ఖండించినా, దౌత్య సమాచారంపై మాత్రం అమెరికా స్పందించలేదు. గతంలో జరిగిన చర్చల గురించి ఎలాంటి నిర్దిష్ట వ్యాఖ్యలు చేయకుండా, ఆరోపణలను మాత్రమే పూర్తిగా నిరాకరిస్తూ ఈ మేరకు ప్రకటన విడుదల చేయడం గమనార్హం.