పసుపు, అల్లం సాగుకు ‘రైజోమ్ ప్లాంటర్’కు పేటెంట్

చింతపల్లి ప్రాంతీయ వ్యవసాయ పరిశోధనాస్థానం శాస్త్రవేత్తలు రూపొందించిన ట్రాక్టర్‌ ఆధారిత ‘రైజోమ్ ప్లాంటర్’కు భారత ప్రభుత్వం పేటెంట్ మంజూరు చేసింది. పసుపు, అల్లం సాగులో కూలీల కొరత తగ్గించి, తక్కువ సమయంలో క్రమపద్ధతిలో విత్తనం నాటేందుకు ఈ యంత్రం ఉపయోగపడనుంది. ఈ యంత్రంతో కూలీల అవసరం, సాగు ఖర్చులు తగ్గడంతో పాటు సమయం ఆదా అవుతుంది. మొక్కల పెరుగుదల, దిగుబడులు మెరుగుపడతాయని శాస్త్రవేత్తలు తెలిపారు.