స్పామ్ కాల్స్‌పై ట్రాయ్ చర్యలు.. 1.84 లక్షల వనరులపై వేటు

అవాంఛిత వాణిజ్య కమ్యూనికేషన్లపై ట్రాయ్ చర్యలు చేపట్టింది. ఏప్రిల్-జూన్ త్రైమాసికంలో 1.84 లక్షల టెలికాం వనరులను నిలిపివేయడంతో పాటు 263 మంది పంపినవారిని బ్లాక్‌లిస్ట్‌లో చేర్చింది. స్పామ్ ఫిర్యాదులు 10.85 లక్షలు అందగా, 5.53 లక్షల ఫిర్యాదులు చర్యలకు అర్హమైనవిగా గుర్తించింది. డీఎన్‌డీ యాప్ ద్వారా 89 శాతం ఫిర్యాదులు నమోదయ్యాయని ట్రాయ్ తెలిపింది.