తమ్మినేని పార్టీ మారడం ఖాయమా

మాజీ స్పీకర్ తమ్మినేని సీతారాం పార్టీ మార్పుపై శ్రీకాకుళం రాజకీయ వర్గాల్లో చర్చ జోరందుకుంది. ఆయన కుమారుడు చిరంజీవి నాగ్ YCP, జిల్లా నాయకత్వంపై చేసిన బహిరంగ వ్యాఖ్యలు ఈ ఊహాగానాలకు మరింత ఆజ్యం పోశాయి. 'వచ్చే ఎన్నికల్లో వైసీపీకి ఒక్క సీటూ రాదు' అన్న వ్యాఖ్యలతోపాటు పార్టీ వ్యవహారాలపై ఆయన అసంతృప్తి వ్యక్తం చేయడం చర్చనీయాంశంగా మారింది. దీంతో తమ్మినేని తదుపరి రాజకీయ అడుగు ఏమిటన్న దానిపై ఉత్కంఠ నెలకొంది.