తిరుమలలో పలు తేదీల్లో వీఐపీ బ్రేక్ దర్శనాలు రద్దు: తితిదే

తిరుమల శ్రీవారి ఆలయంలో జులై నుంచి సెప్టెంబర్ వరకు వివిధ ఉత్సవాలు, పర్వదినాల కారణంగా వీఐపీ బ్రేక్ దర్శనాలను తితిదే రద్దు చేసింది. సామాన్య భక్తులకు ప్రాధాన్యత ఇచ్చేందుకే ఈ నిర్ణయం తీసుకున్నట్లు తెలిపింది. రద్దయిన తేదీలకు ముందురోజు ప్రొటోకాల్ ప్రముఖులకు మినహా ఎటువంటి సిఫార్సు లేఖలు స్వీకరించబోమని తితిదే స్పష్టం చేసింది. భక్తులు ఈ మార్పులను గమనించి తిరుమల యాత్రను ప్లాన్ చేసుకోవాలని సూచించింది.