టీజీపీఎస్సీ కీలక ప్రకటన: 290 ఇంజినీరింగ్ ఉద్యోగాల భర్తీ

తెలంగాణ రాష్ట్ర ఆవిర్భావ దినోత్సవం సందర్భంగా టీజీపీఎస్సీ 290 ఉద్యోగాల భర్తీకి మూడు నోటిఫికేషన్లు విడుదల చేసింది. ఇందులో ఆర్‌అండ్‌బీ శాఖలో 271 ఏఈఈ (సివిల్, ఎలక్ట్రికల్) పోస్టులు, కాలుష్య నియంత్రణ మండలిలో 19 ఎన్విరాన్‌మెంటల్ ఇంజినీర్ పోస్టులు ఉన్నాయి. 18 నుండి 44 ఏళ్ల లోపు వారు వీటికి అర్హులు. ఈ పోస్టులకు జూన్ 6 నుండి జూలై 17 మధ్య వేర్వేరు తేదీల్లో ఆన్‌లైన్ దరఖాస్తులు స్వీకరించనున్నారు. పరీక్షలను ఓఎంఆర్ లేదా సీబీటీ పద్ధతిలో నిర్వహిస్తామని, అలాగే క్రైస్తవ మతంలోకి మారిన వారిని ఎస్సీ, ఎస్టీలుగా పరిగణించబోమని కమిషన్ స్పష్టం చేసింది.