స్నేహితులను కాపాడి తెలుగు యువకుడి మృతి

అమెరికాలోని లూసియానా సెబాన్ నదిలో మునిగిపోతున్న ముగ్గురు స్నేహితులను కాపాడి, హైదరాబాద్‌కు చెందిన కోడూరు అనురూప్ రెడ్డి (25) ప్రాణాలు కోల్పోయాడు. స్నేహితులను ఒడ్డుకు చేర్చిన తర్వాత, కాలికి ఫిషింగ్ వైర్ చుట్టుకోవడంతో అతను నీటిలో మునిగి మరణించాడు. ఇటీవలే మాస్టర్స్ పూర్తి చేసిన అనురూప్ మృతితో కావడిపల్లిలోని అతని కుటుంబంలో తీవ్ర విషాదం నిండింది. వారం రోజుల్లో పార్థివదేహాన్ని స్వదేశానికి తీసుకురానున్నారు.